Um Tellus

Tellus

Nafnið Tellus er komið úr rómverskri goðafæði og þýðir móðir jörð, Tellus er einnig þekkt sem gyðja jarðar. 

Tellus er framsækið fyrirtæki sem sérhæfir sig í öruggri eyðingu tölvugagna og grænum lausnum fyrir fyrirtæki og stofnanir við meðhöndlun á úreldum tölvu og rafbúnaði.  Tölvum og jaðarbúnaði tengdum tölvum er komið aftur í hringrásarhagkerfið til að tryggja sjálfbæra auðlindanýtingu og takmarka kolefnisspor afsetningar á búnaði eins og hægt er.

Upphafið
Hingað til hefur meðhöndlun og farvegir fyrir notaðan tölvubúnað og búnað þess tengdum verið takmarkaðir á Íslandi og aðferðum þar sem búnaður er hakkaður beitt við förgun á gögnum með tilheyrandi sóun auðlinda. Sóun á auðlindum jarðar og kolefnisspor slíkrar förgunar er ekki samræmi við umhverfismarkmið margra fyrirtækja í dag eða lagasetningu „í átt að hringrásarhagkerfi“ sem innleidd var með samþykkt Alþingis og tók gildi áramótin 2022/2023.

Ferlar Tellus er græn leið við eyðingu gagna sem stuðlar að minni sóun auðlinda og lækkar kolefnisspor fyrirtækja með því að taka tölvu og tölvubúnað í heilu frá fyrirtækjum.

Græn eyðing gagna: Unnið er eftir ISO27001 staðli, búnaður sem geymir gögn fer í gagnaeyðingarferli sem sér til þess að engin gögn sitja eftir á disknum. Að lokinni eyðingu gagna er búnaður yfirfarin og stýrikerfi sett upp og tölvunni eða viðkomandi búnað komið aftur í hringrásarhagkerfið í endurnotkun.

Tölvum og búnað sem ekki er hægt að endurnýta er fundið leið þar sem búnaður er aðskilinn og flokkaður eftir efnum. Tryggt er að íhlutum og búnaði sé komið í endurvinnsluferli í hringrásarhagkerfinu þar sem íhlutir eru endurnýttir eða endurunnir þegar endurnýting er ekki valkostur.